Posts

Showing posts from 2015

‫قنطرة المظالم‬

Image
سبحانك ‫#‏ربى‬ ما أرحمك .. ما أكرمك .. إذا كانت الحقوق تضيع فى الدنيا، فلهذا خلق الله ‫#‏قنطرة_المظالم‬ على طريق الآخرة .. سيقتص كل من ناله أذى من قريب أو بعيد .. ستنكشف عورته أمام الخلق أجمعين .. سيُعرَف من هو المنافق الحقيقى .. من سكت عن الحق .. من عاون على الظلم .. من لم يؤتى كل ذي حق حقه .. من أفسد حياة آخرين، بل الأقربين .. يوم لا ظل إلا ظله .. عند ‫#‏الله‬ تجتمع الخصوم .. هو حسبنا ونعم ‫#‏الوكيل‬ .. اللهم ارزقنا اليقين والبصيرة وقول الحق عند الشدائد .. اللهم ثبتنا وارزقنا معينك ونصرك الذى وعدت .. اللهم كن لنا فأنت مولانا، لا ملجأ ولا منجى منك إلا إليك .. أنت ‫#‏الخبير‬ ‫#‏العزيز‬ .. أنت ‫#‏الرقيب‬ ❤ ‫#‏جمعة_مباركة‬ ‫#‏اللهم_تقبل‬

#كن_أنت_نفسك

Image
على فكرة .. مش محتاج تستنى حد يقول لك إنك قوى عشان تعرف إنك فعلياً أقوى من أى تهديد معنوى أو فكرى .. ‫#‏إنت_قوى‬ لوحدك من غير حاجة لأنك ‫#‏حُر‬ بالفطرة .. بس فيه ‫#‏حروب_نفسية‬ شغّالة عليك ليل نهار من وإنت صغير عايزة توصل لهدف واحد بس .. "إنك ضعيف وما تملكش قرار نفسك" .. منها نفسك الأمارة بالسوء ومنها الإحباطات اليومية سواء من العيشة واللي عايشينها .. ومفيش غير حل واحد لكل ده .. ‫#‏كن_أنت_نفسك‬ من غير ما تستنى رأى غيرك فيك .. #كن_أنت_نفسك لأن إنت اللي عايش حياتك مش حد تانى .. #كن_أنت_نفسك لأن فى الأول وفى الأخر إنت اللي هتتحاسب على قراراتك مش غيرك .. ‫#‏لله_الأمر_من_قبل_ومن_بعد‬ ده أكيد .. وربك هو اللي بيقول لك ‫#‏توكل‬ ولو قرارك طلع غلط ‫#‏توب‬ + ‫#‏إستغفر‬ + ‫#‏إعمل_الصالحات‬ عشان قرارك يكون إيجابياً مؤثر ..

أية أحبها :)

Image
إِنَّ الَّذِي فَرَضَ عَلَيْكَ الْقُرْآنَ لَرَادُّكَ إِلَىٰ مَعَادٍ ۚ قُلْ رَبِّي أَعْلَمُ مَنْ جَاءَ بِالْهُدَىٰ وَمَنْ هُوَ فِي ضَلَالٍ مُبِينٍ القصص[85]

‫‏كلام الناس مش قرآن‬

Image
لو ناوى تحكى حاجة لحد، إختار الشخصية اللي هتحكيلها بعناية شديدة شديدة !! ابعد عن اللي بينصحك بغِلّ .. دور على اللي قلبه قلب خساية وعاوز يفرح لك بكل جوارحه لو هتطلع بمعلومة مفيدة وإيجابية ونقية، خير وبركة .. لكن غير كده، وفّر مجهودك ووقتك وحرقة دمك لأن ‫#‏الناس_طاقات‬ ومش كلهم عندهم ملكة الإحتواء والحكمة فى التصرف .. والأهم من كل ده، ‫#‏كلام_الناس_مش_قرآن‬ .. يعنى لازم لازم لازم اللي تسمعه تعقله الأول .. تشوف إذا كان ينفعك ومقتنع بيه ولا لأ .. ومفيش مانع يجيلك الوحى إنك تغيّر فيه حاجة أو إتنين .. عادى جداً الخلاصة: دى حياتك وده قرارك وإنت ادرى واحد بالحل .. بس الحل اللي يرضى ربنا، مش العكس ..

#‏حوار_مع_النفس

Image
‫#‏اعترافات_ليلية‬ ‫#‏حوار_مع_النفس‬ ‫#‏بوست_للزمن‬ ساعات الواحد بيتمنى حاجة ومش بتتحقق فى ساعتها وساعات مش بتتحقق خالص .. وبيكون عنده صراع نفسى طول الوقت "يا ترى القرار كان صح؟" وبحس إن ممكن أعيش طول عمرى مش عارفة إجابة السؤال، بس دايماً بدعى ربنا يرزقنى البصيرة إنى أشوف قدامى حجات محدش غيرى شايفها عشان يتحقق عندى يقين كامل وأكون واثقة من قراراتى سواء الأمانى دى اتحققت أو لأ .. ومع الوقت - بفضل الله - أوقات كتير رأيى بيكون على صواب .. والحمد لله الحمد لله الحمد لله إن ‫#‏رب_العالمين‬ رازقنى معيّته فى الموضوع ده بالذات .. بتوكّل على ‫#‏الله‬ ٢٠٠٪ إنه يدبرلي أمورى كلها لأن ببساطة ماليش يد فى أي شئ غير إنى أخلص النية له وأطلب منه العون والغفران .. ولو حصل ورأيي طلع غلط، بعاقب نفسى بمنتهى القسوة لإنى بخاف منها .. أيوة بخاف منها! - أيوة يعنى عايزة تقولى إيه؟؟؟ - عايزة أطلب منك طلب يا نهى .. احمدى ربنا أكتر من كده .. احمديه فى كل وقت وكل حين .. ارضى .. ارضى باللي ربنا قسمهولك .. ربك له حكمة ومش هيظلمك .. ربك ‫#‏ودود‬ هيكرمك .. ربك ‫#‏حليم‬ هيعوضك .. ربك

‫مش عايزة شبكة‬

Image
‫#‏مش_عايزة_شبكة‬ لو اتجوزت .. أه والله ما عايزة شبكة :) مش عايزة حاجة لمجرد إن ‫#‏لازم‬ تتجاب .. ولا عايزاها ذهب لو جت .. عايزاها هدية من القلب ومش غالية .. وعايزة مهرى فى إيدى .. مش إيد حد تانى .. وبرضه مش مهم يكون غالى لأنى مش بيعة وشاروة .. أنا بنى أدمة من لحم ودم مش قفص قوطة :) وأهم حاجة ‫#‏مش_عايزة_فرح‬ .. عايزة أسافر !!! بس اللي نفسى فيه فعلاً .. بيت/شقة حلوة وصغيرة فى منطقة واسعة وفيها خضرة وعيشة هادية مع بنى أدم مريح وبحبه :) ‫#‏إعترافات_ليلية‬ ‫#‏عوض_عليا_عوض_الصابرين‬ ‫#‏يا_رب‬ ‫#‏رمضان_١٤٣٦‬

‫#‏الدنيا_دوارة‬

Image
عارف إنت الناس اللي بيفتكروك (بس) وقت مصلحتهم؟! طب عارف الناس اللي كنت فاكر إنهم أول ناس هيحسوا بيك ويقفوا جنبك؟! طب والناس اللي وقفت فى ظهرهم فى السراء والضراء وعملوا من بنها؟! :) Believe it or not, ‫#‏رب_العالمين‬ بيفضحهم كلهم عاجلاً أم آجلاً.. ‫#‏الحمد_لله‬ ‫#‏الدنيا_دوارة‬ ‫#‏ليميز_الله_الخبيث_من_الطيب‬

نِعَم المِحَن

Image
أحلى حاجة بحبها فى المحن والأزمات إن معادن الناس اللي حواليك وجزء من حياتك بتبان على حقيقتها :) بيبان مين اللي بتكون مهم عنده فعلياً بيبان مين المنافق ومين المخلص بيبان مين الجدع ومين الأنانى بيبان مين سبّاق للخير ومين متجاهل حتى السؤال :) الحمد لله رب العالمين على نعمة التمحيص والبصيرة .. اللهم أغننا بفضلك عمن سواك، المدد منك وحدك يا عزيز يا جبار 

أتجوز ليه؟

Image
‫#‏إتجوز‬ عشان ‫#‏الونس‬ ‫#‏دنيا_وآخرة‬ تحت ‫#‏عرش_الرحمن‬ .. وفكك من رأي أي حد تانى .. دوّر على اللي بيحب ربنا أكتر منك إنت شخصياً .. ولو مالقتوش لسه .. ‫#‏خليك_مع_الله‬ .. ‫#‏بس_كده‬