The Moon Is My Home | .. N.O.H.A ..

كمية ‫‏البنات‬ اللى قلبها وعقلها فاضى من جوا تقهر القلب .. حلقة فى ودنك: تاج المرأة الحقيقى ‫‏عقلك وقلبك‬ .. مش جمالك وبس! إياكى حد يقنعك بغير كده .. إياكى تخلى بنى أدمين يفكروا بدالك .. إياكى تفرطى فى حقك إنك تتعلمى من غلطك وتكونى أحسن .. أنتِ ‫‏حُرة‬ .. و ‫‏الحرية‬ معناها ‫‏القرار‬ .. والقرار مش معناه نستمر في الخطأ .. القرار معناه ‫‏مسئولية‬ .. أمام الله قبل نفسك .. خافى ‫‏الله‬ وبس .. الله فوق كل شئ وأي حد .. اعرفي إن حقك تفرحى وحقك تزعلى .. حقك تحسى بمشاعر وحقك تستخدمى عقلك ويكون عندك بصيرة .. حقك تكونى جميلة بس حقك تكونى ‫‏ملكة‬ ويكون ‫‏الله وكيلك‬ .. كونى أنتِ زي ما أنتِ وبس ..

#إعترافات_ليلية بقيت حاسة إني بكذا شخصية وكذا حالة في الساعة الواحدة .. تغيير متقطع ومالوش ملامح .. مالوش ماسكة ولا تفسير واضح .. مابقتش عارفة أنا زعلانة ولا فرحانة .. كل اللي واثقة منه إني كارهة لسؤال "مالك" .. ماعنديش إجابة وماليش خُلق للتفكير فيها .. مش عايزة حد يسألني لأني غرقانة في الأسئلة وبسأل نفسي في اليوم الواحد كل ثانية تقريباً .. ليه برّيح اللي حواليّا على حساب نفسي؟ .. ليه مابقتش أحس بطعم حاجة؟ .. ليه محدش عنده استعداد يقبلني زي ما أنا؟ وليه محدش حتى بيحاول يقرّب مني وشايفين إني كئيبة؟ .. ليه الناس بقت مؤذية بالسهولة دي و امتى هبطل اتفاجأ؟ .. هو مش اللي بيصبر بينول؟ طب أنا امتى هرتاح؟ .. هي الدنيا مش هتبطل تعلّي عليّا؟! .. هو أنا لوحدي اللي كده؟!

‫#‏ إعترافات_ليلية‬ طول عمرى نفسى فى  ‫#‏ صدقة_جارية‬  لمماتى .. نفسى أعمل حاجة يفضل أثرها مستمر وممتد ليوم القيامة حتى بعد ما كل الناس تنسانى وآلاف السنين تعدى .. إيه هى؟؟ مش عارفة .. بس عندى يقين إن  ‫#‏ رب_العالمين‬  هيوفقنى لها فى ميعادها .. لما استاهلها وأكون قدها  👆 رزقنى الله وإياكم الفردوس الأعلى ومجاورة النبى (صلى الله عليه وسلم) .. ‫#‏ آمين‬

الحياة مراحل وكل مرحلة مطلوبة وأساسية فى حياتك عشان تكبر وتنمو وتكون وتعيش .. - مرحلة الأنتخة - مرحلة اللامبالاة - مرحلة الصدمات والمشاكل - مرحلة الاكتئاب - مرحلة الزهق والعصبية المفرطة - مرحلة الاستسلام والرضا - مرحلة النجاح مافيش مرحلة منهم هتيجي قبل التانية .. استحالة! عايز تكون مبسوط؟؟ لازم تتعب وتقع وتقوم ١٠٠ مرة عشان تعرف إنك بنى أدم عايش مش ميت .. لازم تساعد غيرك وتسنده زي ما ربنا كرمك ووقفك على رجلك من جديد .. محتاج تتعلم تنسف أنانيتك المجردة وتبنى بدلها تقدير لذاتك واحتياجاتك وتشتغل على نفسك وتطورها .. عايز تعيش وتبطل خوف؟؟!!  #عافر و #ارضى_بقضاء_الله دي  #سنة_الله  فى الأرض وفى الخلق عموماً .. مافيش حد نجح غير بعد ما  #قرر  يطلع من الشرنقة ..

ناس كتير بتقول عليا هبلة عشان بحكِّم قلبى مع عقلى فى أمور حياتى .. شايفين إن دى سذاجة وإن توكلى على ‫#‏الله‬ سبحانه وتعالى مش منطقى ولا عملى فى الزمن ده .. بيقرأوا صبرى على إنه ضعف .. وفيه منهم اللي بيشوفه غرور .. أه وعهد الله بيحصل :) مع إن جل جلاله يقول فى كتابه العزيز فى سورة الأنعام { قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ [١٦٢] } ويقول أيضاً فى سورة التكوير { وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ [٢٩] } يعنى من الأخر كده، مهما الواحد لف ودار وشاف وقابل ناس وقرر قرارات، الأمر بإذن ‫#‏المولى‬ وفقط .. ما علينا غير السعى لتحقيق الغايات فى طاعته والرضا بقضاءه والثبات على دينه .. المعافرة فى جهاد النفس كل دقيقة من كل يوم شئ نعتز به مش العكس .. ولجوء الواحد للدعاء ده مش عجز .. القوة الحقيقية هـتلاقيها وهـتستمدها من اللي خلقك وعارفك أكتر من نفسك .. عايز أمورك تتيسر وتحقق اللي نفسك فيه؟ صدّق ربنا قبل أي حد تانى .. صدّقه بقلبك قبل عقلك .. ببساطة هو ده الإيمان بالله بالنسبة لى .. إن ‫#‏رب_العالمين‬ لازم يكون له الأول...

سبحانك ‫#‏ربى‬ ما أرحمك .. ما أكرمك .. إذا كانت الحقوق تضيع فى الدنيا، فلهذا خلق الله ‫#‏قنطرة_المظالم‬ على طريق الآخرة .. سيقتص كل من ناله أذى من قريب أو بعيد .. ستنكشف عورته أمام الخلق أجمعين .. سيُعرَف من هو المنافق الحقيقى .. من سكت عن الحق .. من عاون على الظلم .. من لم يؤتى كل ذي حق حقه .. من أفسد حياة آخرين، بل الأقربين .. يوم لا ظل إلا ظله .. عند ‫#‏الله‬ تجتمع الخصوم .. هو حسبنا ونعم ‫#‏الوكيل‬ .. اللهم ارزقنا اليقين والبصيرة وقول الحق عند الشدائد .. اللهم ثبتنا وارزقنا معينك ونصرك الذى وعدت .. اللهم كن لنا فأنت مولانا، لا ملجأ ولا منجى منك إلا إليك .. أنت ‫#‏الخبير‬ ‫#‏العزيز‬ .. أنت ‫#‏الرقيب‬ ❤ ‫#‏جمعة_مباركة‬ ‫#‏اللهم_تقبل‬

على فكرة .. مش محتاج تستنى حد يقول لك إنك قوى عشان تعرف إنك فعلياً أقوى من أى تهديد معنوى أو فكرى .. ‫#‏إنت_قوى‬ لوحدك من غير حاجة لأنك ‫#‏حُر‬ بالفطرة .. بس فيه ‫#‏حروب_نفسية‬ شغّالة عليك ليل نهار من وإنت صغير عايزة توصل لهدف واحد بس .. "إنك ضعيف وما تملكش قرار نفسك" .. منها نفسك الأمارة بالسوء ومنها الإحباطات اليومية سواء من العيشة واللي عايشينها .. ومفيش غير حل واحد لكل ده .. ‫#‏كن_أنت_نفسك‬ من غير ما تستنى رأى غيرك فيك .. #كن_أنت_نفسك لأن إنت اللي عايش حياتك مش حد تانى .. #كن_أنت_نفسك لأن فى الأول وفى الأخر إنت اللي هتتحاسب على قراراتك مش غيرك .. ‫#‏لله_الأمر_من_قبل_ومن_بعد‬ ده أكيد .. وربك هو اللي بيقول لك ‫#‏توكل‬ ولو قرارك طلع غلط ‫#‏توب‬ + ‫#‏إستغفر‬ + ‫#‏إعمل_الصالحات‬ عشان قرارك يكون إيجابياً مؤثر ..

لو ناوى تحكى حاجة لحد، إختار الشخصية اللي هتحكيلها بعناية شديدة شديدة !! ابعد عن اللي بينصحك بغِلّ .. دور على اللي قلبه قلب خساية وعاوز يفرح لك بكل جوارحه لو هتطلع بمعلومة مفيدة وإيجابية ونقية، خير وبركة .. لكن غير كده، وفّر مجهودك ووقتك وحرقة دمك لأن ‫#‏الناس_طاقات‬ ومش كلهم عندهم ملكة الإحتواء والحكمة فى التصرف .. والأهم من كل ده، ‫#‏كلام_الناس_مش_قرآن‬ .. يعنى لازم لازم لازم اللي تسمعه تعقله الأول .. تشوف إذا كان ينفعك ومقتنع بيه ولا لأ .. ومفيش مانع يجيلك الوحى إنك تغيّر فيه حاجة أو إتنين .. عادى جداً الخلاصة: دى حياتك وده قرارك وإنت ادرى واحد بالحل .. بس الحل اللي يرضى ربنا، مش العكس ..

‫#‏اعترافات_ليلية‬ ‫#‏حوار_مع_النفس‬ ‫#‏بوست_للزمن‬ ساعات الواحد بيتمنى حاجة ومش بتتحقق فى ساعتها وساعات مش بتتحقق خالص .. وبيكون عنده صراع نفسى طول الوقت "يا ترى القرار كان صح؟" وبحس إن ممكن أعيش طول عمرى مش عارفة إجابة السؤال، بس دايماً بدعى ربنا يرزقنى البصيرة إنى أشوف قدامى حجات محدش غيرى شايفها عشان يتحقق عندى يقين كامل وأكون واثقة من قراراتى سواء الأمانى دى اتحققت أو لأ .. ومع الوقت - بفضل الله - أوقات كتير رأيى بيكون على صواب .. والحمد لله الحمد لله الحمد لله إن ‫#‏رب_العالمين‬ رازقنى معيّته فى الموضوع ده بالذات .. بتوكّل على ‫#‏الله‬ ٢٠٠٪ إنه يدبرلي أمورى كلها لأن ببساطة ماليش يد فى أي شئ غير إنى أخلص النية له وأطلب منه العون والغفران .. ولو حصل ورأيي طلع غلط، بعاقب نفسى بمنتهى القسوة لإنى بخاف منها .. أيوة بخاف منها! - أيوة يعنى عايزة تقولى إيه؟؟؟ - عايزة أطلب منك طلب يا نهى .. احمدى ربنا أكتر من كده .. احمديه فى كل وقت وكل حين .. ارضى .. ارضى باللي ربنا قسمهولك .. ربك له حكمة ومش هيظلمك .. ربك ‫#‏ودود‬ هيكرمك .. ربك ‫#‏حليم‬ هيعوضك .. ربك ...

‫#‏مش_عايزة_شبكة‬ لو اتجوزت .. أه والله ما عايزة شبكة :) مش عايزة حاجة لمجرد إن ‫#‏لازم‬ تتجاب .. ولا عايزاها ذهب لو جت .. عايزاها هدية من القلب ومش غالية .. وعايزة مهرى فى إيدى .. مش إيد حد تانى .. وبرضه مش مهم يكون غالى لأنى مش بيعة وشاروة .. أنا بنى أدمة من لحم ودم مش قفص قوطة :) وأهم حاجة ‫#‏مش_عايزة_فرح‬ .. عايزة أسافر !!! بس اللي نفسى فيه فعلاً .. بيت/شقة حلوة وصغيرة فى منطقة واسعة وفيها خضرة وعيشة هادية مع بنى أدم مريح وبحبه :) ‫#‏إعترافات_ليلية‬ ‫#‏عوض_عليا_عوض_الصابرين‬ ‫#‏يا_رب‬ ‫#‏رمضان_١٤٣٦‬

عارف إنت الناس اللي بيفتكروك (بس) وقت مصلحتهم؟! طب عارف الناس اللي كنت فاكر إنهم أول ناس هيحسوا بيك ويقفوا جنبك؟! طب والناس اللي وقفت فى ظهرهم فى السراء والضراء وعملوا من بنها؟! :) Believe it or not, ‫#‏رب_العالمين‬ بيفضحهم كلهم عاجلاً أم آجلاً.. ‫#‏الحمد_لله‬ ‫#‏الدنيا_دوارة‬ ‫#‏ليميز_الله_الخبيث_من_الطيب‬

أحلى حاجة بحبها فى المحن والأزمات إن معادن الناس اللي حواليك وجزء من حياتك بتبان على حقيقتها :) بيبان مين اللي بتكون مهم عنده فعلياً بيبان مين المنافق ومين المخلص بيبان مين الجدع ومين الأنانى بيبان مين سبّاق للخير ومين متجاهل حتى السؤال :) الحمد لله رب العالمين على نعمة التمحيص والبصيرة .. اللهم أغننا بفضلك عمن سواك، المدد منك وحدك يا عزيز يا جبار 

‫#‏إتجوز‬ عشان ‫#‏الونس‬ ‫#‏دنيا_وآخرة‬ تحت ‫#‏عرش_الرحمن‬ .. وفكك من رأي أي حد تانى .. دوّر على اللي بيحب ربنا أكتر منك إنت شخصياً .. ولو مالقتوش لسه .. ‫#‏خليك_مع_الله‬ .. ‫#‏بس_كده‬

عارف يعنى إيه #سكن؟  يعنى لما تدور على شخص بعينه فى وسط الناس كلها برضه ما تلاقيهوش إلا فيه .. عارف يعنى إيه #حِنّية؟ يعنى لما تبص فى عينه تحسه بيحضنك من غير حتى ما يلمسك .. عارف يعنى إيه #شوق؟ يعنى لما صوته لوحده يفكرك بألف ذكرى وذكرى كنت فاكر إنك نسيتها من سنين .. عارف يعنى إيه #لهفة؟ يعنى لما تحس بدقات قلبه بتنده عليك وتسمعها وإنت بعيد .. عارف يعنى إيه #حُب؟ يعنى كل لحظة وحشة فى حياتكم تتمسح بأستيكة أول ما ينادى إسمك .. عارف يعنى إيه #إخلاص؟ يعنى قلبك وقلبه متعلقين فى حبل وريد واحد .. عارف يعنى إيه #أمل؟ يعنى يقين وعمل وحسن ظن بالله إنه كاتب لك الخير حيث كان .. عارف لو قدرت تلاقى كل دول فى إنسان واحد بس .. إوعى تضيعه من إيديك .. بس فى الحلال :) رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. #آمين #دعاء

تم تفعيل مبادرة #الكتب وتسميته  #كتب_ببلاش #Giveaway_Books الصفحة:  http://www.facebook.com/GiveawayBooks الجروب: http://www.facebook.com/groups/771037809608500 الفكرة ببساطة إنك تتبرع بالكتب اللي مش محتاجها وتهديها لشخص تانى #من_غير_مقابل :) #شير_فى_الخير واضغط على اللينكات عشان تفهم الفكرة أكتر ..

** بوست بتاريخ 15 سبتمبر ** على سبيل ‫#‏البهجة‬ .. فيه ولد إسمه Mohamed Abd-elzaher عامل ‫#‏مبادرة‬ لطيفة .. بيوزّع ‫#‏الكتب‬ اللي مش محتاجها ‫#‏من_غير_مقابل‬ .. بشرط واحد: تختار ‫#‏كتاب_واحد_فقط‬ وبعد ما تقرأ ‫#‏الكتاب‬ تهديه لشخص تانى وتطلب منه يعمل زى ما عملت بالظبط بهدف ‫#‏نشر_المعرفة‬ قابلته النهاردة وأهدى لى رواية ‫#‏باب_الخروج‬ وأنا الكتب اللي كنت حابة أوزعها لسه عندي .. محدش أخدها يلا ‫#‏الهمة‬ !! اللي محتاج أي ‫#‏كتب‬ من دول يبعاتلى عشان ‫#‏الدنيا_تلاهى‬ أي مكان في مدينة نصر أو مصر الجديدة هيكون تمام قوي ‫#‏رشحلي_كتاب‬ ‫#‏تفائلوا_بالخير_تجدوه‬ — feeling excited. ** بوست بتاريخ 2 أكتوبر ** تم بحمد الله كل كتبى اتوزعت شكراً لكل الناس اللي اهتمت وأخدت ‫#‏الكتب‬ .. وأحسن ما فى الموضوع إن الواحد قابل ناس راقية بمعنى الكلمة ‫#‏الحمد_لله‬ إلى اللقاء فى التوزيعة الجاية ‫#‏كتب_ببلاش‬ ‪#‎Giveaway_Books‬

عندى ‫#‏قناعة‬ إنى لو عايشة لوحدى تماماً هقدر أعمل حجات كتير قوي .. لو كنت حرة نفسى ومفيش ضغوط من حواليا بتجرني لقاع الأرض .. كنت فعلياً هطير .. بس كل واحد فينا عنده ‫#‏بلاء‬ كبير فى حياته .. مهما حاول الهرب منه مفيش فايدة .. هيفضل ملاحقه حتى وهو نايم! ملهاش حل غير ‫#‏الصبر‬ و ‫#‏اليقين‬ إن ‫#‏ربي‬ سبحانه وتعالى هيعوضني بأكتر من اللي بحلم بيه .. هيقول له ‫#‏كن_فيكون‬ وهيرزقنى خير مكونتش بتمناه .. أنا عارفة وحاسة إن بيتم إعدادى لحاجة كبيرة .. إيه هى؟! معرفش .. عشان كده ‫#‏بعافر‬ .. بصحى كل يوم على ‫#‏أمل‬ إن فيه ‫#‏جنة‬ .. وإن ‫#‏ما_عند_الله_خيرٌ_وأبقى‬ بفضل الله وحده إن لسه فيا نفس .. أه واللهِ .. دى حكمته هو وحده وأنا مش معترضة بالعكس .. ‫#‏طلب_صغير‬ : لو جيت على بال حد فيكم بالله عليكم ‫#‏ادعولى‬ أنا عارفة إنى ضايقت ناس كتير منى .. بس طمعانة تسمحونى لإنى مش حِمل حد يزعل منى أو يدعى عليّا .. رضا الله عنكم وأرضاكم ورزقكم الخير كله عاجله وآجله ‫#‏آمين‬

‫#‏ أساحبى‬   ‫#‏ مليكتي‬ Reality Check للولاد : مش معنى إن  ‫#‏ البنت_المحجبة‬  مش ملفتة لنظرك بالحجاب إنها قبيحة من غيره  ‫#‏ الحجاب‬  اللي ربنا سبحانه وتعالى أمر بيه لازم يكون مش ملفت  ‫#‏ أساساً‬ ويا ريت .. من فضلك .. لو سمحت .. وإنت بتدور على شريكة حياتك .. حاول ماتكونش  ‫#‏ سطحى‬  فى الإختيار .. حاول وإنت بتدور على واحدة تقعد معاها الأول ولو مرة  ‫#‏ تتكلموا‬  .. هي  ‫#‏ روح‬  قبل ‫#‏ جسد‬ واللهِ ممكن قوي تضيع واحدة من إيدك هتكون  ‫#‏ سكن‬  و  ‫#‏ سند‬  ليك دنيا وآخرة وإنت مش حاسس .. عشان مجرد حكمت عليها من هدومها وشكلها وبس .. دور على  ‫#‏ الونس‬  .. اللي هتشيلك فى عينها فى  ‫#‏ السراء‬  و  ‫#‏ الضراء‬  .. بالله عليك  ‫#‏ ماتبقاش_أناني‬  !! ‫#‏ حطها_حلقة_فى_ودنك‬ ‫#‏ البنت_شريكة_حياة‬ ‫#‏ البنت_مش_متعة__للنظر_وبس‬ —  feeling ‎لقد هرمنا!‎

بزعل قوي وقلبي بيتقبض لما بلاقي البنات اللي على خُلُق بتقلع الحجاب .. عشان ببقى عارفة قد إيه أخلاقهم جميلة وقلبهم صافي وبحبهم قوي واللهِ وبتمنى لهم كل خير ..  مش زعل شفقة .. زعل حب <3 وعشان عارفة ومتأكدة كم الخير اللي فى فرض #الحجاب بيبقى نفسي يشوفوا الخير ده بعيني ويحسوه  بقلبي (لإني على يقين إن الهداية إلى طاعة من عند الله وحده) ..  بس هأقولك حاجة واحدة بس .. كفاية إنك تبقي سنة حسنة وسط ظلام كتير مالوش أخر .. ومش معنى إن فيه بنات كتير مش ملتزمين بعِفة الحجاب يبقى كله كده :) .. كلنا بنجتهد وكلنا بنعمل اللي نقدر عليه وبندعى كل يوم ربنا يشيل من قلوبنا الكِبر والحقد .. إهداء لكل صحابي وأخواتي البنات اللي قرروا وقلعوا الحجاب الفترة اللي فاتت .. أنا مش بحكم عليكي أبداً على قد ما بخاف عليكي .. ده قرارك وإنتي حرة فيه .. وبدعيلك من قلبي يوفقك الله لما يحبه ويرضاه ويرزقك قُربه ومحبته .. #آمين الإيمان ما وقر فى القلب وصدّقه العمل .. كلنا متعلقين بقشاية .. {وكذلك كنتم من قبل} نسأل الله السلامة والثبات .. #آمين ادعولي معاكم <3 أُحبكم فى ال...