The Moon Is My Home | .. N.O.H.A ..

احترس.. فـ emokhalfa.com ترصدك! "الضغط المجتمعي هو الحل!" هكذا أجاب المهندس محمد الحاجري عندما وجه إليه سؤالًا عن  هدف موقع  emokhalfa.com وما يقدمه من خدمات. فبعد أحداث ثورة 25 يناير زاد الإقبال على المعرفه وتزايد الوعي بالجمعيات الأهلية ودورها الهام في  بناء المجتمع، أصبح من الواجب على كل مصري أن يلعب دورًا فعليًا في تنمية البلد والعمل على المصلحة العامة للوطن. ولن تتمكن جمهورية مصر العربية من النهوض من جديد إلا عن طريق توفير وترسيخ  الجهود البشرية والعقلية بالعمل إلى جانب تفعيل دور الجهات الرقابية بصورة إيجابية. فالمصريون لديهم القدرة والحماس على بناء الدولة من جديد لكن ينقصهم التحفيز وتوفير السبل المناسبة لذلك. ومن هنا  بدأت فكرة موقع  emokhalfa.com عندما لاحظ مؤسسوه - وهم المهندس محمد الحاجري والمهندس وائل خليفة- تزايد عدد المخالفات المرورية في الآونة الأخيرة بشكل كبير وذلك لغياب الوعي عند الشعب المصري ووجود الإنفلات الأمني في معظم الأماكن  مع التزاحم الشديد في أغلب المحافظات. يعتبر حي مدينة نصر في القاهرة مثلًا   -ويلي...

"الحب يزيد بطاعة الله عز وجل وليس العكس. خدعوك فقالوا أن الحبيب ينساك عند الفراق إذا أردت مرضاة الله. تذكر وكن على يقين أن قلبك بيد الله فحسب." .. N.O.H.A ..

I've came across this note today, which I've written on the 18th of October, 2005, precisely in the mid of Ramadan, 1427. What shocks me is that I totally feel the same nowadays. It's like the clock keeps turning and turning, leading me to the same exact situation. Sub7an Allah, it's a bliss; I wish it never leaves me. Some may not like that I'm posting this as they may think I'm bragging about it. On the contrary, I'm just trying to remind myself of my place, recessing/reviving/igniting my senses once again. It's my own way of showing how we could be fragile before God, and it's okay. It's not a weakness, nor a disgrace; it's a gracious blessing and an eternal wish that never dies along the years. We shouldn't be afraid to show how small we are sometimes. We have to remind ourselves every now and then that we're not alone in this world who suffer, and pain will never go away. Hopefully, we embrace it to start living again, to enjoy...

بقالي كتير قوي .. كتير قوي ما كتبتش حاجة ليَّا أنا .. حاجة عشاني أنا .. كلام يعبّر عني وعن حالتي أنا .. ولو مش هيعبّر عني .. على الأقل أقوله ليَّ أنا .. هو ده السبب الرئيسي اللي خلاني أكتب من الأول .. يوم ما عملت المدونة دي من سنة 2007 وأنا كنت بـكتب لنفسي .. كانت محاولة مني إني أعبّر عن نفسي من غير أي قيود ..والأيام عدت وجريت بيَّ وأنا باردو لسة حاسّة نفس الإحساس .. لسة عندي نفس القيود كإن حد بيبُصّ عليَّا ومخابّيلي حاجة تحت الترابيزة هيطعنّي بيها .. يمكن عشان كده معظم كتابتي عامة جداً .. حتى وأنا بـتكلم عن نفسي .. دايماً بـفكّر نفسي قبل كل بوست .. "لا تذكري أحداث ولا أسامي ولا أوقات ولا تلمحي بأي حاجة لأي حد .. خدي بالك!" .. مع إن أول ما إبتديت المدونة محدش كان بيشوف كلامي تقريباً .. ياه .. جه على بالي دلوقتي جملة قالهالى واحد زميلي في الجامعة -الله يمسّيه بالخير- لما قلت له أنا عملت المدونة بس مش عارفة إذا كانت هتوصل لحد ولا لأ .. رد عليَّا وقال لي: "محدش عارف .. ممكن قوي توصل .. المهم إنك إبتديتي :)" .. وتقريباَ هي دي عقدة حياتي دايماَ .. إ...

بالله عليكم .. قبل ماتيجوا تتناقشوا معايا وتعلقوا على أي حاجة بحطها عندي .. ماحدش يفتكر إني بدافع عن اللي بيحرقوا ويبوظوا الممتلكات .. أنا بدافع عن اللي بيتظاهروا وبيعتصموا .. عندي قناعة إن المجلس الحقير ده هو السبب في كل اللي بيحصل وهو اللي ساب البلطجية وهو اللي عمل الخطة دي كلها من أولها لأخرها عشان تيجوا أنتم تخافوا وتقولوا هنعمل إيه من غيره؟؟! .. هو اللي مأكلنا هو! هو اللي شيلنا هو! .. هو اللي حامينا هو!!! وهو لا حاميكم ولا شاريكم ولا بيفكر فيكم أصلا .. وعامل عليكم تمثيلية كبير قوي وأخدتوا الطعم صح قوي!! تمام زي ما كان مبارك منايّمكم .. وأنا بقى لا طاهرة ولا شريفة ولا فوق البشر عشان فاهمة قذرته .. أنا واحدة عادية جدا ومش بأتعالى على حد! بس ماحلتيش غير دماغي اللي بفكر بيها وبرفض أي حد يستعماني ويستغفلني لأني مش ساذجة الحمدلله !!! فـبالله عليكم سيبوني في حالي لو مش مقتنعين باللي بقوله .. ودمتم! .. N.O.H.A ..

للعلم .. مش كل اللي في التحرير عايزين البرادعي ولا عايزين يحرقوا أقسام ومنهم شباب الإخوان والسلفيين وشباب من ائتلاف شباب الثورة ومنهم ناس كتير قوي من الشعب .. طلعان عينهم وشايفين كرامتهم فوق كل شيء اعرف الناس بجد نازلة عشان إيه وبلاش تجمع ... حاول تبقى عادل وحيادي وعقلاني .. على فكرة أنا ضد المجلس وضد الباردعي .. أنا مع الإنتخابات وحكومة إنقاذ وطني ! حكومة إنقاذ وطني حاجة ومجلس رئاسي مدني حاجة تانية خالص خلوا بالكم! الإنتخابات هي الحل دلوقتي .. ماتخلوش اللي بيحصل في التحرير والعباسية يغمي عنيكم على أهم حدث عدّى علينا من ساعة الثورة . استعلم عن لجنتك الانتخابية و المرشحين http://www.elections2011.eg/ حملة التوعية بالإنتخابات http://www.youtube.com/user/Elections2011Eg?feature=watch .. N.O.H.A ..

تصوير عمر كمال أقر أنا المواطنة المصرية نهى عبد التواب إني واحدة من اللي قالت نعم .. أنا قلت نعم للثورة مش لبقاء العسكر .. أنا قلت نعم لتعديل 6 أو 7 بنود مش لإعلان دستوري .. أنا قلت نعم لاستقرار مش دوّامة لمدة سنتين .. أنا قلت نعم لتسليم السلطة لرئيس جمهورية مش لعسكري ببدلة مدني .. أنا قلت نعم عشان صفوت الشريف يتحاكم مش عشان يتسكت عليه وميطلعش عليه خبر واحد هو وأمثاله .. أنا قلت نعم للمادة التانية من الدستور مش لمجلس من غير إستفتاء شعبي .. أنا قلت نعم لإنتخابات مجلس شعب في سبتمبر 2011 وإنتخابات رئاسية في 2012 مش لشلل ربعي لحد نص 2013 .. أنا قلت نعم عشان الأمن يرجع مش عشان قانون الطوارئ يمتد .. أنا قلت نعم عشان صوتي يطلع للناس مش عشان يتقال عليه تطاول وعدم إحترام .. لأ وكمان إنى بلطجية .. أنا قلت نعم عشان الشرطة تحترمنا مش عشان يربّونا على ثورتنا .. أنا قلت نعم عشان أخد حقي مش عشان يتقاللي كفاية إعتصامات .. أنا قلت نعم عشان ألاقي تأمين صحي وأمان مش سرقة في كل حتة وتكاسل .. أنا قلت نعم عشان الفقراء والعشوائيات والفساد مش عشان رجوع ...

هو أنا بكلم نفسي هنا؟  أُمّال ليه أنا حاسة بكده ؟؟ أنا ليه حاسة إن ماحدش سمعني؟؟ أنا ليه أيقنت إني مسجونة ؟؟  ليه دايما عندي إحساس بالوحدة مع إن عندي صحاب كتير ؟؟ وليه دايما حاسة إن حقي مش موجود مع إني بأكل وبشرب ومصروفي موجود ؟؟ وليه حاسة إنى بتضيع مع إن عجلة الإنتاج ماشية والإستقرار مالي البلد لحد الملل ؟؟ وليه دايما خايفة إن المجلس العسكري يحكمنا بدل مبارك مع إنه دايما بيوعدنا بغير كده ؟؟ وليه مجلس الشعب متعملش في سبتمبر مع إن الثورة قامت في يناير ؟؟ وليه لسة بيتقال على الشباب شوية عيال وبلطجية مع إن اللي سرقوا و قتلوا بيتحاكموا ؟؟ وليه عيال زي أحمد سبايدر وكريم حسن لما يطلعوا يقولوا على الملأ إنهم بيضربوا في ناس مابيتشدوش وألتراس أهلاوي يتعمل عليهم كمين عشان يحرمهوا ينطقوا تاني ؟؟ وليه 6 ابريل يتقال عليهم خونة واللي خان البلد 30 سنة قاعد في مستشفى 100 نجوم ؟؟ وليه أول ناس إتحسن وضعهم في البلد هم الظباط وأهل الدويقة قعدوا بالشهور في الشارع من غير ما حد يعبرهم وفي الآخر اتفضوا بالقوة ؟؟؟ هو ليه دايما الشعب في ناحية واللي حاكم البلد من ...

Credits goes to: B+ Bassem Youssef Show اليهود بيتغذوا على الكره والغيظ والخوف اللي في قلوبكم .. مابيهدلهمش بال ولا بيناموا بالليل كده وهم شايفين البلد دي بتكبر .. تصريح امريكا بإعفاء المليار جنية وانجلترا النهارده بالحكم علينا غرامة ما يتعداش بسهولة .. خدعوك فـقالوا هيبقوا راضيين عننا أو إن صورتنا تتحسن قدام العالم كله .. ولو حد إستسلم وصدق الهلس اللي بيحصل ده .. يبقى العيب فينا إحنا مش فيهم ... يا رب أرزقنا الهداية و أرنا الحق حق و أرزقنا إتباعه و أرنا الباطل باطل و أرزقنا اجتنابه .. ادعو بكده يا ريت :) وعشان تهدوا أعصابكم اتفرجوا على اللينك ده : http://www.youtube.com/watch?v=DTw8FR9s_qU&sns=fb و عشان تفهموا وجهة نظرى إقرأ الخبر ده: http://www.dostor.org/politics/middle-east/11/may/6/41412 .. N.O.H.A .. 

جالي الهاجس ده عالصبح امبارح وطبعا أول حاجة عملتها إني كتبتها في الفيسبوك! .. واحدة من صاحباتي كتبتلي "هتتجنني هاهاهاها..." وبنت خالتي قالتلي " طب ويا ترى وقع خلاص؟" .. و واحد هيمان راح قايللي " وراح عامل بوووووم" ! كل إللي عملته إني فضلت أكتب "لأ لسه" .. "لأ لسه" .. زي العيلة الصغيرة إللي متعلقة بقشاية! وبرده ماحدش عرف إيه اللي بيسقط .. أحب أعلنها وكلي فخر إنه إللي بيسقط يبقى شعري يا ناس .. ويا ريته بيقع عشان يغطي رأس حد تاني .. بس مع الأسف عَمَّال يقع وخلاص .. ولو سألت عن السبب .. إللي يقول لي أصل النفسية في الناملية وإللي يقول لي أصل خلاص عجزتي وإللي يقول لي أصل المياة والهوا خلاص اتسمموا وفي الآخر بيتقال لي روحي لدكتور يديكي علاج .. لأ معليش .. فوتوا عليَّ بكرة!! .. أصل لا مؤاخذة بأخد الدواء من هنا وتلاقي حاجات تانية هي اللي بتطول فـبناقص بقى.. طب هو أنا فعلا عجزت؟؟؟؟ .. ده أنا حتى شكلي عيلة عالآخر ويا بختي بقى زي ما الكل بيقول .. لا وايـــه .. دحّاحة كمان .. أُمّال إيــه ؟؟!!! ..كل ماكنت بمشي في حتة كان بيتقاللي كده...

أيوه ليه مبكتبش بالعربي؟ .. سؤال طول عمري بسأله لنفسي .. يمكن عشان عمري ما حاولت أو حتى فكرت .. دايماً أمسك القلم واكتب انجليزي .. للأسف كان تعليمي كده .. كل حاجة اتعلمتها اساسها كان انجليزي .. العلوم انجليزي .. الرياضة انجليزي .. كله انجليزي في انجليزي .. حتى العربي اللي كنا بناخده .. المدرسين كانوا دايما تعبانين قوي .. كان دايماً حصة العربي دي كابوس بالنسبة لنا .. كان يخش لنا المدرس من هنا نحس بكآبة السنين ! .. كل اللي همه يرزعلنا الكلمتين ومع السلامة .. مابقولش إنهم كانوا بيشرحوا غلط لا سمح الله .. كل إللي بقوله إن ماكانش فيه اهتمام باللغة اطلاقاً .. المدرس الوحيد إللي افتكره في حياتي كان في ثانوية عامة .. كان الوحيد إللي عليه القيمة كده .. يحبّبك في المادة ولما كان بيدينا درس الدين كان عنده رؤية .. عارفين إيه الفرق بينه وبين أي مدرس عربي شفته في حياتي؟؟ .. كان صغير .. بمعنى أصح كان شاب .. يمكن يكون في عمري دلوقتي .. بس يا خسارة .. كنت تقريبا خلاص .. إتكون عندي التفكير .. على فكرة أنا مابقولش إن تعليم اللغة مش مهم .. بس الواحد كل ما بيكبر كل ما بيعرف أد أيـه إن الهوية شئ ...

أكيد بتسألوا نفسكم بعمل إيه هنا وانا يا عيني عليّاَ بنية غلبانة لا ليّاَ في الميكانيكا ولا عندي علم بالأحياء حتى ! الموضوع من الآخر كده انى هاكتب عن حاجات شفتها ومش عجباني اطلاقاً .. أنا مين عشان أكتب عنها مش مهم .. بس الأهم إني بقى ليَّا صوت وهيجلجل ان شاء الله !! .. أنا أكتب إذًا أنا موجود !! نستفتح ونقول صبَح صبَح يا عم الحاج على رأي عمنا بوحة !! أول حاجة لازم تعرفوها إن مش قصدى حد بعينه .. بس هموت واقول بأعلى صوتي .. يا جدعان ارحمونا !! تاني حاجة إني أكيد مش ملاك بس عندي يقين إن ممكن بفكرة صغيرة نتغير ونبقى أحسن بكتير .. مش هطول عليكم بقى .. هبتدي في أول حوار .. أكيد الناس اللي حبَه تجوَز عيالها بتبقى فرحانة فرح الفيل وأكيد لازم يزفَوهم .. بس اللي مش طبيعي بقى إنهم يوقفوا الشارع بحاله عشان مجرد عايزين يزفَوا العرسان ! .. مقدارين يا جدعان إنكم عايزين تفرحوا وتقولوا للبشر كلها إن الليلة ليلتكم .. بس بالعقل الله يخليكم .. يعني مش فوق الكوبري ومش في وسط البلد مثلا .. ويا ريييت مش في صلاح سالم لإن الشارع ده بيتلكك الصراحة !!! سواء راجع منه ولا رايح في حتة على طول واقف ! يا إما ...

الواحد قلبه تعبان .. قلبه عيان .. قلبه عايش على حاجة ونفسه بيها يبان .. وفيها إيه ولما يكون غلبان .. هو يعني الواحد مننا لازم يبقى قاسي عشان يعيش ؟؟ ما ينفعش يحلم ويسهر ويتمنى حاجة بيحبها من زمان ؟ كل يوم بيصحى على أمل جديد .. على يوم ما يكونش فيه قلبه وحيد .. ويرجع يفوق على جرح قديم .. ويلاقي .. قال إيه! جرح من تاني أكيد .. بس الغريب إنه مهما يموت .. يرجع ويبتدي من تاني .. يقع وبعد الواقعة يتعلم .. إنه في يوم لازم يبقى عبيد .. عبيد لربه مش لأي حاجة تانية في الطريق .. يمكن في يوم قلبه مايكونش تعبان .. ويمكن اللي بيحلم بيه يلاقيه قدام عينيه ومش مجرد أمل بعيـــــــــــد .. N.O.H.A ..

الأخلاق أم الإنفلات ؟ المبادئ أم العبودية للأفكار ؟ العزيمة أم الضياع ؟ بماذا علي أن اعيش لكى أصبح ناجحة و كلى إرادة ؟ كيف استطيع أن أصمد أمام المشاكل التى لا تنتهى ؟ و لما تحولت إلى تلك الطفلة الضعيفة الإنهزامية مدى الحياة ؟ ... كيف يمكننى أن أتحمل و أنسى و أعيش فى نفس الوقت ؟ لما هذا النسيان الفظيع الذى يتملكنى عندما أضعف ؟ و لما أطلق العنان ليأسى و سلبيتى ؟ و لما علي أن اشكك فى كل شئ حولى و لا أتمكن من العثور على أشياء بسيطة تعيننى على الحياة ؟ لما اترك نفسى للغيبوبة العمياء ؟ و لما أعيش فى تناقض مستمر بحيث يرهق حواسى و عقلى دائماً ؟ ... .. N.O.H.A ..