حِمل جبال
لسه مش مستوعبة إنك بين يدي رب العالمين ولا مستوعبة الحِمل اللي كنت شايله .. بس عرفت مين بيحبك بجد ومين كان مستني موتك .. يا رب تكون أنت كمان حاسس وعارف بكل حاجة دلوقتي .. هحكيلك يوم ما ربنا يجمعنا من جديد، ويا رب تسمعني المرة دي ..
إديني ودنك يا مواطن
ممكن معلش طلب صغير؟ كفاية كلام .. آه والله كفاية كلام .. التلفزيون مابيبطلش كلام .. الناس مابتبطلش كلام .. الراديو مابيبطلش كلام .. والأهل طبعا مابيتواصوش :) دول الناس اللي ماينفعش تقولهم بطلوا كلام .. مش عشان عيب مثلا لا سمح الله .. لأ عشان مفيش فايدة مش هيبطلوا أصلا :) المهم .. أنا قصدي كفاية لإيه طيب؟ كفاية هلس .. آه والله كفاية هلس .. بمعنى أصح كفاية تُفشر وإنت مش عارف .. كل من هبّ ودبّ دلوقتي يطلع على التلفزيون يقول أي كلام ملوش أي تلاتين لازمة يعملوا بيهم إشاعة يا إما يسنّوا سنة حسنة صراحة تلاقي كله قلّدهم وهلم جرّه .. لو عليَّا مثلا مش مشكلة .. بس المشكلة في أمي اللي بتصدق أي حاجة ماشية في الشارع .. طب أعمل معاها إيه طيب .. يا نهى ماتنزليش .. حاضر .. يا نهى متعمليش .. حاضر .. يا نهى بيقولوا السلفيين .. هيموتونا .. لأ يا ماما متصدّقيش .. طب والمسيحيين اللي قاعدين لنا عالواحدة .. يا ماما متخافيش مفيش حاجة .. يا بنتي أنا بخاف عليكي .. عارفة يا ماما .. ويالهوي لما كانوا بيجيبوا المسلسل الزفت اللي اسمه مطلوب رجال .. يا خراشــــــــــــى .. بلاش أح
Comments
Post a Comment