Really impressive !

I got this poem from a group.. Don't know who wrote it yet..
It's worth reading.. very very touchy !!



عصفور و جوة قفص حديد مسجون
يحلم بباب مفتوح يطير يلف الكون
و لما جه اليوم و إنفتح الباب الملعون
خاف يطير قال خليني في المضمون

قالوا كل حاجة بتتوزن بالأعمال
قلت طب كانوا يوزنوا بالأحمال
دا أنا ساعتها كنت أبقى عال
شايل حمول و أنا في عمر العيال

عمري من بين إيديا عمال يعدي
و أنا بتحايل عليه و أقوله هدي
رد قالي كان بودي
كدة كدة لا بتجيب و لا بتودي

زي حتة تلج ساعات ببقى صلب
و ساعات زي شوية مية بتصب
نفسي يوم أحب و أتحب
و أبدل حتة التلج بنار في قلب

دنيا واسعة و فيها كلنا مساجين
من الشبابيك نبص على غيرنا و نقول مساكين
شايفين سجن غيرنا و سجننا مش شايفين
بنقضي مدة حكمنا و فاكرين نفسنا عايشين

شفت حلم في آخر الطريق بعيد
جريت عليه فرحان سعيد
زي طفل في ليلة عيد
وصلت لقيته مش ليا كان في إيد

كنت فاكر نفسي عايش حالة حب
و قلت خلاص داب الحجر و بقالي قلب
بس يظهر ده رابع المستحيل الصعب
متأصلة القسوة فيا و غاوي حرب

ساعات يحلالي منك يا نفسي أطير
و يعجز قلمي و ورقي عن التعبير
و يجن عقلي و يبطل تفكير
أفرحلي مرة بس يا نفسي مافيناش نغير

نفسي أفرح بس ياريت مش عارف
حواليا ميت حاجة بتفّرح بس خايف
الظاهر نسيت الضحكة طريق الشفايف
مش باقي غير نضارة سودة منها مش شايف

عايز أفرح و حاطط إيدي على قلبي
عايز حتى عن نفسي فرحتي أخبي
لما بفرح يقتلني خوفي من بكرة و رعبي
مابقتش أصدق أي فرحة من كتر غلبي

Comments

  1. gamda
    am amr frm face book

    www.lifeonnile.blogspot.com

    ReplyDelete
  2. ah fe3lan.. poem 7elwa awi ..

    thx for checking it :)

    ReplyDelete

Post a Comment

Popular posts from this blog

إديني ودنك يا مواطن

A Diamond Treasure - a Short Story